Si të bëni fatura blerje dhe shoqëruese me aplikacionin Alpha? -

Siç e dini tashmë nëpërmjet aplikacionit mobile Alpha ju mund të bëni fatura kurdo dhe kudo ku jeni duke punuar.

Në këtë artikull do të flasim për:

faturat e blerjes,
faturat shoqëruese,
rëndësinë e tyre për blerësit dhe bizneset, dhe se si ti bëni këto fatura në pak minuta në aplikacionin mobile Alpha.

Cilat janë llojet e faturave të blerjes dhe si ti bëni ato me apikacionin Alpha?

Faturat e blerjes ndahen në dy lloje :

Faturë e thjeshtë blerje nga furnitorët : fatura tatimore lëshohet nga shitësi tjetër për organizatën tuaj si klient
Vetëfaturim/Autofaturim : fatura tatimore lëshohet nga biznesi apo organizata i cili në këtë rast është njëkohësisht edhe blerësi edhe shitësi pra paraqitet në rolin e shitësit dhe të blerësit njëkohësisht. Këto fatura lëshohen kur :

klienti nuk ka mundësi ta bëjë faturën, mund të jetë individ i paregjistruar në tatime
blihen shërbime nga furnitorë të huaj nga jashtë ( sic mund të jenë për shembull shërbime nga Google ) dhe njihen si shpenzime. Në këtë rast te fatura e blerjes artikujt regjistrohen si një i vetëm pasi është shërbim dhe nuk magazinohet. Ndërsa në rastin kur keni artikuj inventar pra që magazinohen, në faturë regjistrohen dhe shtohen një nga një.

Rëndësia e faturave shoqëruese

Fatura shoqëruese është një dokument i cili shoqëron mallrat të cilat transferohen midis magazinave të të njëjtit tatimpagues dhe mbeten në pronësi të tij.

Kjo do të thotë se çdo lëvizje e mallrave në territorin e Republikës së Shqipërisë regjistrohet dhe administrata tatimore do të jetë në dijeni.

Faturat shoqëruese mund të përdoren edhe për të kërkuar rimbursim ose garanci për produktet e blera. Po ashtu mund të përdoren edhe si një mënyrë për të gjurmuar shitjet dhe për të monitoruar financat.

Megjithatë, ndryshe nga faturat tradicionale të shitjes, faturat shoqëruese përveç të dhënave që i kanë të përbashkëta si : emrin dhe numrin e identifikimit tatimor të biznesit, datën dhe orën e transaksionit, përmbajnë informacione si koston (që në faturen e shitjes zëvëndësohet me çmimin) dhe të dhënat e magazinierit apo transportuesit që janë si informacione shtesë në faturë. Po ashtu faturat shoqëruese nuk kanë TVSH ndryshe nga faturat e shitjes.