Çfarë është mbyllja e vitit në programin Alpha?
- Mbyllja e vitit në programin financiar Alpha gjeneron hapjen e vitit të ri (për shembull 2025) dhe kryhet me qëllim që në ditët e para të Janarit të regjistroni shitjet për vitin 2025.
- Ajo konsiston në transferimin e gjëndjeve mbyllëse në fund të vitit si gjëndje fillestare për vitin tjetër .
- Mbyllja e vitit gjeneron një fletë kontabël e cila mbyll të gjitha llogaritë e klasës 6 dhe 7 tek llogaria e rezultatit të vitit ushtrimor (109).
Si mbyllet viti në Alpha?
Hapat për mbylljen e vitit janë:
- Shkoni tek Konfigurime ‐ Vitet. Tek dritarja të përgjithshme zgjidhni vitin (për shëmbull 2025) që do mbyllet.
- Më pas klikoni Mbyll Vitin. Viti i mbyllur mund rihapet sërisht nëse doni të bëni ndryshime të tjera. Për ta rimbyllur përseritet e njëjta procedurë.
Përse ka dy mënyra për mbylljen e vitit?
Veprimet për mbylljen e vitit në programin Alpha mund të bëhen në dy mënyra:
Mbyllja e vitit pa azhornim, ose ndryshe mbyllje e thjeshtë, përdoret kur llogaritë e planit kontabël janë me të njëjtën monedhë si monedha bazë Lek.
Mbyllja e vitit me azhornim (të llogarive në valutë të huaj), përdoret në rastet e veçanta kur llogaritë e planit kontabël janë në monedhë të ndryshme nga monedha bazë Lek si për shembull në valutë të huaj Euro.
Si të shihni raportet e kontabilitetit të vitit të mbyllur?
Nëse dëshironi të shihni një nga raportet e kontabilitetit të vitit të mbyllur:
- Tek menuja Raporte ‐ Kontabiliteti – Zgjidhni Ditarin e Kontabilitetit.
- Filtroni me datë dokumenti ‐ Viti ushtrimor. Regjistrimet në Ditarin e Kontabilitetit janë të organizuar në bazë të transaksioneve të kryera dhe të renditura kronologjikisht. Nëse doni që në listën e këtyre veprimeve të shfaqet dhe veprimi i fundit i mbylljes së vitit:
- Çekoni tek filtrat e avancuar filtrin me mbyllje viti aktuale.
- Klikoni butonin Shiko dhe menjëherë në ditarin e kontabilitetit do të rreshtohet veprimi i fundit i mbylljes së vitit ushtrimor.
Si bëhet mbyllja e vitit me azhornime të llogarive në valutë të huaj?
Mbyllja e vitit me azhornime kërkon fillimisht azhornimin e llogarive në valutë të huaj dhe më pas gjenerimin automatik të vitit pasardhës.
- Logohuni në program dhe zgjidhni vitin 2025 që do të mbyllet.
- Regjistrohet një kurs i datës së fundit të vitit.
- Azhornohen llogaritë e klientëve dhe furnitorëve.
- Azhornohen llogaritë e tjera të planit kontabël.
- Ndiqen 3 hapat më sipër për mbylljen e vitit.
